18:36 ЗаIапхошта терко яр 25. 04. 2011(видео,фото, аудио-запись) | |
| Хьамсара мехкахой, укх к1ира дахача ерача дийнахьа «Артбос» яхача г1алг1ай къаман г1улакх эздел сомдаккхара йолча юкъарлон фонда кулгалхочо Йовлой Салмана Къурайши, маьл яхача, наха пайда луш йолча фонда кулгалхочо Дзейтова Лайласи вай мехкарча дег1а могашал йоацача за1апхошта в1ашт1ехьаяьккха экскурси д1айихьар. Из экскурси в1ашт1ехьйоаккхаш Йовлой Къурайша дехарца цу юкъе дакъа лаьцад за1апхой д1а-хьа бига автобус еларца, атаг1а кулгалхочо Аушнаькъан Хьамида Абоси, итт б1аь тума ахча даларца, «парадиз М» яхача молхаш а цхьацца йола унхошта эшаш йола кечалаш а йохкаш йолча тика кулгалхочо, Келигнаькъан Тухана Ахьмади. Экскурси д1айихьар Маг1албикерча т1ема а б1ухой а музее. Иштта боаг1аш нах ба аьнна хоам бича экскурсаводаш кийча а баь лаьрхх1а кийчо яьяр музей кулгалхош а. Цига баьхка бар коляска чу баг1аш а, г1ажамашца мара ца лелалуш а, букъа т1ехка дика йоацаш а, иштта кхы лазараш дола унхой а. Верригаш а ялхайтта саг вар музее вигараш. Шоаш ара баьккхача наькъах боалла пайда мел лоарх1аме ба белгалдир Йовлой Къурайша. – «Чу-ара а ца боалаш ц1аг1а баг1ача унхошта ч1оаг1а доккха х1ама да ер. Х1ана аьлча, вай мехка фу доал а керда хулаш дола хувцамаш б1аргаго а чам ба за1апхой. Шоаш цхьаь а ца буташ вай шоашта сагота долга д1ахайча царна дика хетаргда. Цхьаккха а укх лазарах к1алхар варгва аьнна кхоана шийна хургдар ховш саг вац вайх. Цудухьа вай массавар а оарцаг1а а ваьнна унхошта терко йича бакъахьа я аьнна хетт сона». – аьлар Къурайша д1ахо . Иштта коляска чу ваг1ача Дошлакъ-Юртарча за1апхочо Боголов Адама: «Укх тайпара акцеш д1акхохьаш хилча ч1оаг1а сало1ам хул тхона. Со хьалхара вена ва укхаза. Х1анз укхаза хьадаьхкачул т1ехьаг1а дукха тхоашта ца хов а ца довза а керда дараш хайнад дайзад тхона» аьлар. Д1ахо музеера даьлча Маг1албикерча ц1енаг1а, дикаг1а, тешамег1а йолча кафе чу а бига за1апхошта датта а кхерза а дулхи тайп-тайпара сомаши оттадаь дика шу а кийчдаь, Тухана Ахьмада деннача ахчах цкъа а шозза а х1ама даийтар. Х1ама диа баьнна г1улакх чакхдоаллаш, маьл яхача, наха пайда луш йолча фондо хьахьожа а даь х1арача за1апхочоа шовзткъеи итт тума луш ахча дийкъар. Д1ахо Маьл яхача фонда кулгалхочо Лайлас: – «Даьла салам хилда цунна, вай пайхамара аьннад яхаш хеза я со. Шоашта юкъе ийшача сагага хьожаш хилалаш, шоайла т1а овтташ а хиллаш аьнна. Из бахьан долаш масса боа а вай мехкара викалаш за1апхошта теркам бе декхарийла ба аьнна хетт сона» – аьлар. Къахетаме волча Дала могаш боацачарна моаршал лолда. Цу г1улакха оарцаг1а а ваьнна ког 1о мел лайзача сага Дала боккха маьл язболба. Диц ца деш хила деза вай Къурайша ма аллара кхоанарча ден шийна фу хургда ховш саг воацилга. Дала барт ца1 болба вай!!! Специальный корреспондент радио "Ангушт" - Илез Матиев
| |
|
| |
БЛАГОТВОРИТЕЛЬНЫЙ ФОНД
Главная » 2011 Апрель 22 » ЗаIапхошта терко яр 25. 04. 2011(видео,фото, аудио-запись)
